MBUNGE WA JIMBO LA BAGAMOYO AMETEMBELEA KIKUNDI CHA "CHAMBEZI GROUP" KILICHOPO KATA YA KIROMO.

Mheshimiwa Mbunge wa Jimbo la Bagamoyo, MUHARAMI SHABAN MKENGE leo tarehe 06/01/2024 ametembelea kikundi cha CHAMBEZI GROUP  kilichoanzishwa mwaka 2006 ambacho kina jumla ya wanachama 69 kilichoundwa na muunganiko wa Vijiji vinne ambavyo ni Kijiji cha Buma, Matibwa, Mataya pamoja na Kiromo, kwa lengo la kusikiliza kero zinazokikabili kikundi hicho.

Katika kikao hicho cha CHAMBEZI GROUP  Mheshimiwa Mbunge amewataka wanakikundi kuendelea kufikiria biashara mbadala itakayowasaidia kuongeza kipato cha kikundi kwani baadhi ya biashara nyengine zina changamoto hasa  katika uendeshaji. mhe. mbunge ameyasema haya mara baada ya kikundi hicho kuwasilisha lengo la kupata basi aina ya Coasta kwaajili ya kusafirisha abilia.

Aidha, Wanakikundi hao waligusia juu ya changamoto ya ubovu wa miundombinu ya barabara na walimuomba Mhe. Mbunge wa jimbo la Bagamoyo kuwatafutia wafadhili na wadau kuweza kuwasaidi kutatua kero hiyo.

Akijibu kuhusu suala la barabara. Mhe. SALUMU MIKUGO, Diwani wa kata ya kiromo amewaambia wananchi wa  vijiji vya Buma na Kiromo  kuwa changamoto ni kuwa Barabara zetu hazijasajiliwa hivyo hazitambuliwi na Serikali na mpaka sasa yeye na Mheshimiwa Mbunge wa Jimbo la Bagamoyo wanaendelea na mpango wa kuhakikisha usajili wa Barabara unafanyiwa kazi iliziweze kutambulika na Serikali iliiwe rahisi kwa barabara hizo kuingia katika mpango wa kutengezwa ikiwemo Barabara inayounanisha kata ya YOMBO na KIROMO yenye kilomita 11.9

Mwisho, Mhe. MUHARAMI  SHABAN MKENGE ametolea ufafanuzi kuhusu suala la mikopo ya vijana inayotolewa na halmashauri, swali lililoulizwa na mwanakikundi Kivumbi Muhamedi. kuwa atalifuatilia suala hilo kwa Mkurugenzi wa halmashauri ilikujua  taratibu na namna ya ukopaji kwa mikopo hiyo kwa vijana. na kuwahasa wananchi wanaochukua mikopo hiyo kuwa waaminifu na kuirudisha mikopo hiyo ndani ya muda wa makubaliano ili fedha hizo ziweze kuwanufaisha  pia na wengine.