OFISI YA MBUNGE JIMBO LA BAGAMOYO IKIONGOZWA NA KATIBU WAKE BI. ZAINABU KIHATE AMETEMBELEA KIKUNDI CHA NGUVU KAZI BAGAMOYO ( KIUNGUBA ) KILICOPOKATA YA NIANJEMA.

 

Katibu ofisi ya Mbunge Jimbo la Bagamoyo Bi. Zainabu Kihate leo oktoba 19,2023 ameambatana na Katibu wa siasa na uenezi kata ya Nianjema ndugu. Mzee Marijani Minjori kutembelea kikundi cha Ujasiriamali Nguvu kazi Bagamoyo ( Kiunguba) kinachopatikana katika kata ya Nianjema Bagamoyo kwa lengo la kusikiliza kero na changamoto zinazowakumba wanakikundi hao.

 Bi. Zainabu Kihate akiwa katika matembezi hayo alipata wasaha wa kutembelea shamba lao  lenye ukubwa wa hekali tisa na kujionea mazao mbalimbali yakiwemo matunda, Mchicha, Matembele, Mahindi, Mapapai, Nyanya maji, Nyanya Chungu, N.k.

Aidha, Wanakikundi wa kikundi hicho cha Ujasiriamali Nguvu kazi Bagamoyo ( Kiunguba ) walitoaufafanuzi huu ya faida mbalimbali wanazonufaika nazo zikiwemo :-                                     

   - Kuongezeka kwa Uzalishaji Shambani

   - kutoa Ajira  kwa Vijana 

  - Kupatiwa elimu Kutoka katika Taasisi mbalimbali. n.k.

 kama ilivyo mafanikio lazima yaje na changamoto pia wanakikundi hao wanakumbana na changamoto ya upungufu wa mbegu na pembejeo katika kuendeleza kikundi hicho, ukosefu wa tank la maji pamoja na kutokuwa na gharama za uwekaji mifumo ya umwagiliaji 

Baada ya wanakikundi hao kueleza faida na changamoto wanazokumbana nazo shambani, Katibu wa ofisi ya Mbunge jimbo la Bagamoyo Bi. Zainabu Kihate aliwahakikishia wanakikundi hao kuwa changamoto zao amezipokea na ameahidi kuzifikisha kwa Mheshimiwa Mbunge ili kuweza kuzifanyia kazi changamoto hizo ili kuangalia njia ya kuzitatua.